कर्मचारीहरुको खटन पटन गर्दै आएको केन्द्रीय निकाय हो,संघीय मामिला तथा सामान्य प्रशासन मन्त्रालय । तर यो मन्त्रालयको हविगत कस्तो छ भने संघ,प्रदेश,स्थानीय तहमा खटिएका आफ्नै कर्मचारीको लगत छैन । हरेक पटक मन्त्री फेरिन्छन्,त्यही समय शुरु हुन्छ कर्मचारीको लगत माग्ने । फेरि यही प्रवृत्ति दोहोरिएको छ,यस पटक पनि ।
बिज्ञापन
संघीय मामिला तथा सामान्य प्रशासन मन्त्रालयको जिम्मेवारी सम्हालेलगत्तै कर्मचारी सरुवालाई व्यवस्थित बनाउने प्रयास गरेकी मन्त्री प्रतिभा रावलले स्थानीय तह र प्रदेशका कर्मचारीको विवरण माग गरेकी छिन् । मन्त्रीको निर्देशनमा सचिवस्तरीय निर्णयअनुसार मन्त्रालयले प्रदेशका मन्त्रालय,निकायका अलवा ७५३ स्थानीय तहका कर्मचारीको स्वीकृत दरबन्दीको विवरण पठाउन परिपत्र गरेको हो । संघीय मामिला तथा सामान्य प्रशासन मन्त्रालयले सबै प्रदेश र स्थानीय तहलाई तीन दिनभित्र स्वीकृत दरबन्दीको विवरण पठाउन परिपत्र गरेको छ ।
परिपत्रमा भनिएको छ, सातै प्रदेश र ७५३ स्थानीय तहलाई परिपत्र गर्दै सेवा प्रवाहलाई थप प्रभावकारी बनाउन तथा एकीकृत जनशक्ति प्रक्षेपण गर्नका लागि सातै वटा प्रदेश र अन्तरगतका सम्पूर्ण निकायमा कार्यरत रहेका कर्मचारीहरुको महानगरपालिका,उपमहानगरपालिका,नगरपालिका,गाउँपालिका र अन्तरगतका निकायहरुमा कर्मचारीहरुको स्वीकृत दरबन्दीको विवरण तीन दिनभित्रैमा उपलव्ध गराउन मन्त्रालयको सचिवस्तरीय निर्णयबाट परिपत्र गरेको हो ।
बिज्ञापन
जसमा सबै स्थानीय तह र प्रदेशका कार्यालयहरुले कर्मचारीको नाम, पदसंख्या, सेवा समूह, हाल कार्यालयमा कार्यरत अवधि, दरबन्दीको अवस्था र रिक्त संख्या उपलब्ध गराउन आग्रह गरिएको छ । मन्त्रालयले तीन दिनभित्रै यो विवरण पठाउन परिपत्र गरेको हो ।
बिज्ञापन
